काठमाडौँ ।राष्ट्रिय प्रजातन्त्र पार्टीका उपाध्यक्ष बुद्धिमान तामाङले आफू राजसंस्था हुनुपर्छ भन्ने माग र मान्यता राख्ने व्यक्ति भएपनिसक्रिय राजसंस्थाको पक्षमा नरहेको बताएका छन् । उनले अहिलेको अवस्थामा सक्रिय राजसंस्था बोक्ने व्यक्ति र शक्तिलाई ‘बौलाहा‘ को संज्ञा दिएका छन् ।
प्रतिनिधिसभाअन्तर्गतको राज्यव्यवस्था तथा सुशासन समितिको शुक्रबारको बैठकमा राप्रपाका सांसद तामाङले २१ औँ शताब्दीमासक्रिय राजसंस्था खोज्नु सही नभएको बताए । ‘२०१७ सालपछिको राजसंस्था भनेको छ । तर यो २१ औँ शताब्दी हो । २०१७ सालकोजस्तो सक्रिय राजसंस्था बोक्ने बहुलाहा हो । त्यस्तो सम्भव छैन । नचाहिने कुरा हो । म त स्पष्ट रूपमा भन्छु,’ उनले भने ।
आफू जिउँदो रहेसम्म मात्रै आफ्ना सन्तानलाई राजसंस्थाको विरोध नगर भन्ने पनि तामाङले बताए । ‘म राजसंस्था हुनुपर्छ भन्ने मान्छेहो । मेरो छोराछोरीलाई पनि म नमरेसम्म राजसंस्थाको विरोध नगर भन्छु, मरेपछि जेसुकै गर्नु भन्छु,’ तामाङले भने ।
पूर्वराजा ज्ञानेन्द्र शाहले दुर्गा प्रसाईंलाई जनकमाण्डर नतोकेको दाबी पनि तामाङले गरेका छन् । शाहसँग तस्बिर मात्रै खिचाएको रजनकमाण्डर नतोकिएको तामाङको दाबी थियो ।
तीनकुनेमा चैत १५ मा भएको घटनाको छानबिनका लागि न्यायिक आयोग गठन गर्नुपर्ने पनि तामाङको भनाइ थियो । राज्यव्यवस्थासमितिको बैठकमा गृहमन्त्री रमेश लेखक, नेपाल प्रहरी र सशस्त्र प्रहरीका महानिरीक्षक लगायतका अधिकारी सहभागी छन् ।
तस्बिर : गोपाल दाहाल/रासस
