धादिङ।त्रिपुरासुन्दरी गाउँपालिका वडा नं– ७ ले आफ्नो वडामा स्थित अचने माध्यमिक विद्यालयबाट एसईईमा सहभागी विद्यार्थीलाईनि:शुल्क बस सेवाको व्यवस्था गरेको छ । वडाको बैठकले एसईईमा सहभागी विद्यार्थीलाई परिक्षा दिनको लागि आवतजावतमा सजहपुर्याउन निःशुल्क यातायात सेवा प्रदान गर्ने निर्णय गरेसँगै यसलाई कार्यान्वयनमा ल्याइएको वडा अध्यक्ष सुबास अधिकारीले बताए ।
विद्यालयको परिक्षा केन्द्र सल्यानटार माध्यमिक विद्यालय परेको छ । परिक्षा केन्द्र सम्म आउन र जान विद्यार्थीहरुलाई सहज होस् भनेर नि:शुल्क बस सेवा दिएको अध्यक्ष अधिकारीले बताए।
अधिकारीका अनुसार वडामा रहेको एक मात्र माध्यमिक विद्यालयका एसईईमा सहभागी विद्यार्थीहरुलाई यातायात निःशुल्क गरिएको हो। यसका लागि वडा सदस्यहरुसँग छलफल भई कार्यान्वयनमा ल्याइएको उनले बताए । वडाले विपन्न वर्गका विद्यार्थीका लागि पनिआर्थिक अभावका कारण शिक्षाको पहुँचबाट वञ्चित बन्नु नपरोस् भनेर आर्थिक अवस्था कम्जोर भएका विद्यार्थीहरुका लागि वडालेसहयोग गर्दै आएको उनले जानकारी दिए । एसईईमा सहभागी विद्यार्थीहरुलाई मात्र नभई आउदै गरेको कक्षा १२ को परिक्षामा सहभागीविद्यार्थीहरुलाई पनि यो सेवा प्रदान गरिने उनले बताए ।
उनले भने, “निःशुल्क यातायात सेवाका लागि वडाले आफ्नो वडा कार्यालय खर्चलाई घटाएर बजेट विनियोजन गरेको छ ।” योनिर्णयबाट परिक्षार्थी लगायत अभिभावक समेत खुसि भएको उनले बताए ।
माध्यमिक शिक्षा अध्ययनका लागि पालिकाले २०७९ साल देखि नै नि:शुल्क शिक्षा प्रदान गरेको छ ।
